S‘ Leba en a paar Wörtle
1950 gbora en Stuagart, altsprochliches Abidur, Induschtriefilm, Reklam, Schournalistaschul, oiges bürro 1974, schaff meischt firs Radio ond drondernei au fir Verläg.
Nebam Gschäft: Liedle gmacht, Gschrieba, Sprecha glernt, Vorglesa, Märle verzählt, gschauspielert, Talenter gsucht, Jongliera onderrichtet, fotografiert.
Ausprobiert hanne au no: Ober, Hausma, Astreichr, Bauarbeitr, Mebel- und Ennenausbau, Kajakfahre, Radle, Fliesalega, au Oirad, Stepptanza ond Schlappseil, Gitarr ond Flet, Modellflugzeugla, Dracha und Modellbähnle...
Meh fallt mir grad et ei.
Carl-Josef Kutzbach
Art: moine
Gschlecht: Kerle
Alter: Jeda Tag oin me
Familie: Au
Kender: oinige
Gschäft: Schreiberling
No me Gschäfter: scho amol
Vorlieba: Freile, oinige, zom Beispiel guat essa, Lesa, nette Leit treffa, Schlofa.
Ond sonscht: Oh jergele, was soll i da älles saga? -Enteressiert des iberhaupt ebber?
Carl-Josef Kutzbach
em Gwand*
als „Hempel“
*© prifad
narret*
als „Kemistos“
© Willi Schühle s.u.
griblerisch
emmer mol wiedr
Des isch needig
-
1.Gesondheit
-
2.liebe Leit
-
3.a gscheits Gschäft
Web-Seitle zom nagucka
Haftungsausschluss: I ka et älleweil kontrolliera was d‘Leit mit dene Seita machat, wo dui Links naführet. Drom hafte au et fir des was dort stoat! Daderfir send dui Leit selbscht zuständig, wo dui Seita machet.
